رۆژنامه‌ى  "صندای تلغراف " به‌ریتانى رایگه‌یاند كه‌ "ئه‌بو مصعب "ى سورى كه‌ ناوه‌ راسته‌قینه‌كه‌ى  "مصطفى ست مریم نصار  " ه‌ یه‌كێك له‌ سه‌ركرده‌ دیارو سه‌رچاوه‌ شه‌رعیه‌كانى رێكخراوى القاعده‌ له‌ گرتوخانه‌كانى شارى حه‌له‌بى  سوریا ئازاد بوه‌ ، به‌ گوێره‌ى سه‌رچاوه‌كه‌

ده‌سته‌ڵاتدارانى سوریا   ئه‌م كه‌سایه‌تیه‌یان ئازاد كردوه‌ وه‌ك په‌رچه‌كردارێك به‌رامبه‌ر ره‌فتاره‌كانى ئه‌مه‌ریكا ، لاى خۆشیانه‌وه‌ سه‌رچاوه‌ نزیكه‌كانى القاعیده‌ له‌ تۆره‌كانى ئه‌نترنت و له‌ ویب سایتى سه‌ره‌كى ئه‌و رێكخراوه‌ باس له‌وه‌ ده‌كه‌ن كه‌ كۆمه‌ڵه‌یه‌كى سه‌ر به‌ رێكخراوه‌كه‌ له‌ كرده‌وه‌یه‌كى سه‌ربازیدا له‌ گرتوخانه‌ى حه‌له‌ب ئه‌بو  "ئه‌بو مصعب "ى سوريان ئازاد كردوه‌ . شایه‌نى باسه‌ ده‌زگاى هه‌واڵگرى ئه‌مه‌ریكا له‌ ساڵى 2005  "ئه‌بو مصعب "ى سوريان ده‌ستگیر كردوه‌و پاش لێكۆڵینه‌وه‌ ڕا ده‌ستى ده‌سته‌ڵاتدارانى سوریاى كردوه‌ته‌وه‌ .  "ئه‌بو مصعب "ى سورى تۆمه‌تباره‌ به‌وه‌ى كه‌ عه‌قڵى دارێژه‌ڕى هێرشه‌كانى سه‌ر شارى له‌نده‌نه‌ كه‌ 52 كوژراو 700 بریندارى لێكه‌وته‌وه‌ ، هه‌روه‌ها به‌وه‌ش تۆمه‌تبار ده‌كرێت كه‌ رۆڵى سه‌ره‌كى گێراوه‌ له‌ ته‌قینه‌وه‌كانى مه‌درید كه‌ 191 كوژراوى لێكه‌وتوه‌ ، هه‌وه‌ها تۆمتباریشه‌ به‌ تیقنه‌وه‌كانى میترۆى پاریس له‌ ساڵى 1995.